«Реал Мадрид»нинг уэльслик футболчиси Гарет Бэйл Ла Лига 14-туридан ўрин олган «Валенсия»га қарши ўйинда гол ҳам ура олмади ва самарали тўп узатишни ҳам амалга оширмади, деб ёзади OptaJose.
29 ёшли футболчи жароҳати боис «Валенсия» билан ўйиннинг 63-дақиқасида ўз ўрнини Марко Асенсиога бўшатиб беришга мажбур бўлди.
Бэйлнинг Ла Лигадаги голсиз ўйинлар серияси 10 та учрашувга (793 дақиқа) етди. Бу унинг Испания чемпионати қатнашиб келаётган вақтдан бери қайд этган энг ёмон натижаси бўлмоқда.
Гарет сўнгги бор жорий йилнинг 1 сентябрь куни Ла Лиганинг 3-туридан ўрин олган «Леганес»га (4:1) қарши ўйинида гол урганди.
Изоҳ (0)