Туркиянинг Конья шаҳрида 16 ёшгача бўлган бўлган шахматчилар ўртасида Бутунжаҳон шахмат Олимпиадаси якунланди, деб хабар беради МОҚ матбуот хизмати.
2 декабрь, якшанба куни Ўзбекистон термаси шахматчилари сўнгги, тўққизинчи тур доирасида Хитой терма жамоасига қарши баҳс олиб борди ва 2,5:1,5 ҳисобида ғалаба қозонди.
Шу тариқа ўзбекистонлик шахматчилар 9 тур якунига кўра, биринчи ўринни қўлга киритди ва олтин медалга эга чиқди. Ўзбекистонлик шахмат усталари мусобақа давомида Россия, Хитой, Ҳиндистон, Эрон, Украина, Венгрия, Польша, Молдова каби терма жамоаларни мағлуби этди. Бир турда америкалик рақибларга имконият бой берилди. Шахмат Олимпиадасида Ўзбекистон термаси шарафини Нодирбек Ёқуббоев, Нодирбек Абдусатторов, Жавоҳир Синдоров, Шамсиддин Воҳидов ва Ситора Сапарова ҳимоя қилди.
Ўзбекистон терма жамоаси аввал бундай натижа кўрсатмаган. Бутунжаҳон шахмат Олимпиадасининг мазкур олтин медали ўзбек шахмати тарихида биринчиси бўлди.
Изоҳ (0)