Жанубий Кореяда ўрмон ёнғинларини ўчиришда қатнашаётган Ка-52 вертолётининг қулаши оқибатида бир киши ҳалок бўлди, икки киши тан жароҳати олди. Бу ҳақда «РИА Новости» хабар бермоқда.
Жанубий Корея Ўрмон хўжалиги ишлари вазирлиги маълумотларига кўра, сув олишга уриниш чоғида Сеулдаги Ханган дарёсига қулаган Ка-52 вертолёти бортида уч киши бўлган. Ҳаво кемаси Новон туманидаги ёнғинни ўчиришга жалб этилган эди.
Вазирлик авиаҳалокат юзасидан текширув-суриштирув ишларини бошлаб юборган. Yonhap агентлиги маълумотларига кўра, вертолёт 1997 йили Россияда ишлаб чиқарилган эди.
«РИА Новости»нинг қўшимча қилишича, 2009 йили Чолла-Намдо вилоятида худди шундай вертолёт машғулот парвози вақтида қулаган, бунинг оқибатида уч киши ҳалок бўлган эди.
Изоҳ (0)