Janubiy Koreyada o‘rmon yong‘inlarini o‘chirishda qatnashayotgan Ka-52 vertolyotining qulashi oqibatida bir kishi halok bo‘ldi, ikki kishi tan jarohati oldi. Bu haqda “RIA Novosti” xabar bermoqda.
Janubiy Koreya O‘rmon xo‘jaligi ishlari vazirligi ma’lumotlariga ko‘ra, suv olishga urinish chog‘ida Seuldagi Xangan daryosiga qulagan Ka-52 vertolyoti bortida uch kishi bo‘lgan. Havo kemasi Novon tumanidagi yong‘inni o‘chirishga jalb etilgan edi.
Vazirlik aviahalokat yuzasidan tekshiruv-surishtiruv ishlarini boshlab yuborgan. Yonhap agentligi ma’lumotlariga ko‘ra, vertolyot 1997-yili Rossiyada ishlab chiqarilgan edi.
“RIA Novosti”ning qo‘shimcha qilishicha, 2009-yili Cholla-Namdo viloyatida xuddi shunday vertolyot mashg‘ulot parvozi vaqtida qulagan, buning oqibatida uch kishi halok bo‘lgan edi.
Izoh (0)