Парижда 1 декабрь куни полиция ва ёнилғи нархининг ошишига қарши норозилик билдираётган «сариқ нимчалилар» ўртасида янги тўқнашувлар юз берди, дея хабар бермоқда Meduza.
Полиция йиғилганларга қарши кўздан ёш оқизувчи газдан фойдаланган. Намойишчилар эса сариқ бўёқлар билан полициячиларга ташланган. 120 дан ортиқ қўлга олинган, дея хабар бермоқда Reuters.
BBC News’нинг аниқлик киритишича, тўқнашувлар намойиш расман бошланишидан аввал юз берган. Намойишчилар Елисей майдонларига кириш жойига ўрнатилган тўсиқларни олиб ташлашга уринган.
VIDEO: On a third day of unrest, clashes between "yellow vest" protesters and riot police break out on the Champs-Élysées in Paris pic.twitter.com/WJUjgTPrW7
— AFP News Agency (@AFP) December 1, 2018
«Сариқ нимчалилар»нинг юз минглаб одамлар иштирокидаги норозилик намойишлари ноябрь ойи ўрталарида бошланган эди. Фаоллар йўлларни ёпиб қўйиб, бензин нархининг ошишига қарши чиқмоқда. Намойишлар вақтида икки киши ҳалок бўлди, юзлаб одамлар тан жароҳати олган.
Изоҳ (0)