Актёр ва режиссёр Сильвестр Сталлоне ўзининг Instagram’даги саҳифасида экранда бошқа ҳеч қачон унга бутун дунёда машҳурлик олиб келган Рокки образида пайдо бўлмаслигини маълум қилди, дея хабар берди «Газета.ru».
Сталлоне 40 йил давомида Роккига садоқатли бўлган мухлисларига миннатдорлик билдирди.
«Бу мени юрагимни ўртаса ҳам, ҳаётда ҳамма нарса бир кун келиб тугайди. Яхши одамлар, барчангизга раҳмат. Рокки ҳеч қачон ўлмайди, у сизларнинг қалбингизда яшайди», — дейди Сталлоне.
Видеомурожатда актёр янги авлодга, актёр Майкл Жорданга йўл бераётганини айтган. «Крид: Рокининг мероси» (2015) ва «Крид 2» (2019) фильмларида Рокки унинг қаҳрамони Адонис Криднинг устози сифатида гавдаланади.
«Крид 2» картинасининг Россиядаги тақдимоти 2019 йилнинг 10 январида бўлади.
Маълумот учун:
Сталлоне режиссёрлигида суратга олинган истеъдодли боксчи Рокки ҳақидаги илк фильм 1976 йилда экранларга чиққан ва уч марта «Оскар» ҳамда «Олтин глобус»ни қўлга киритган. Кейинроқ «Рокки»нинг бешта сиквели чиққан.
Изоҳ (0)