Британия Колумбияси университети зоологлари Эквадорда Zatypota оиласига мансуб янги ари турини кашф этди, деб ёзади TJournal. Уларнинг ўзига хослиги шундаки, уларнинг ҳаёт цикли ўз авлодлари учун Anelosimus eximius туридаги ўргимчакларни «зомбилаш»га асосланган.
Дастлаб катта ари ўргимчакларнинг қорнига тухумлар қўяди. У ерда личинка ёриб чиқиб, гемолимфа — ҳашаротлардаги «қон» билан озиқланиш ҳисобига ўса бошлайди.
Вақт ўтиши билан ари личинкаси ўргимчакнинг миясини «эгаллаб олиб», унинг қарор қабул қилиш қобилиятини бошқара оладиган бўлади ва уни ўзига хос бўлмаган ишларни бажаришга, чунончи, колонияни тарк этиб, пилла ясаш, сўнг уни ўлдиришларини сабр билан кутишга мажбур қилади.
Пилла ҳимояси остида личинка ўргимчак билан озиқланиб, ўсишда давом этади, 9—11 кундан кейин тўла-тўкис арига айланади, сўнг ўзига шерик топгач, цикл яна давом этади.
Zatypota оиласи ичида ёлғиз ўргимчакларни шу тариқа эргаштирувчи арилар илгари ҳам аниқланган. Аммо арилар колония бўлиб яшовчи ўргимчакларда ҳам паразит бўлиб яшай олиши биринчи марта маълум бўлди. Олимлар фикрича, арилар ўргимчакларни ўзига хос гормонлар ёрдамида «зомбилайди».
Изоҳ (0)