Олимлар Ҳинд океани тубида аномал шовқинларни қайд этди. Мутахассислар ҳозирча бу ҳодисанинг сабабларини тушунтира олгани йўқ. Бу ҳақда «Корреспондент.net» хабар берди.
Мутахассисларнинг тахмин қилишича, бу шовқинлар Майотта оролида кузатилаётган ер силкинишлари серияси билан боғлиқ. Бу орол Ҳинд океанидаги Комор архипелаги таркибига киради.
Ер ости силкинишлари оролнинг шарқий қирғоғидан 50 километр узоқликда қайд этилган. Шундан сўнг юзлаб кучсиз ва тез-тез қайтарилган ер силкинишлари юз берган. Энг кучли силкинишнинг кучи 5,8 баллни ташкил қилган.
Олимларнинг фикрича, бу ҳодисаларнинг сабаби вулқон фаоллиги бўлиши мумкин. Аномал сигналлар эса Ҳинд океани остида магма ҳаракати туфайли юзага келаётган бўлиши мумкин.
Изоҳ (0)