Кремлдагилар АҚШнинг Буэнос-Айресда Трамп билан Путиннинг учрашувини бекор қилиш ҳақидаги қароридан афсусда, деб хабар беради «Эхо Москви».
Россия президенти матбуот котиби Дмитрий Песковнинг айтишича, бу жиддий халқаро ва икки томонлама масалалар муҳокамаси номаълум вақтга кечиктирилишини англатади.
Шу билан бирга, деди Песков, Путин америкалик ҳамкасби билан мулоқотга тайёр.
АҚШ президенти Дональд Трампнинг Россия президенти Владимир Путин билан учрашувни бекор қилишини олдиндан айтиш мумкин эди, деб ҳисоблайди Федерация Кенгаши халқаро масалалар қўмитаси аъзоси Андрей Климов. Унинг сўзларига кўра, Трампнинг Путин билан учрашувдан воз кечиши у учун кутилмаган ҳолат бўлмаган.
Аввалроқ АҚШ президенти Дональд Трамп Россия давлати раҳбари Владимир Путин билан Аргентинадаги G20 саммити доирасида ўтказилиши режалаштирилган учрашувни бекор қилган, бундай қарорни у Керчь бўғозида 25 ноябрь, якшанба куни содир бўлган ҳодиса бўйича маъруза билан танишиб чиққанидан кейин ҳамда Украина кемалари ва денгизчилари ватанига қайтмагани сабабли қабул қилганини айтган эди.
Изоҳ (0)