Ишлаб чиқараётган маҳсулотларингиз таркибида табиий ва аралаш толалар мавжудми? Маҳсулот ва хизматларингизни қандай қилиб янада сифатли ва рақобатбардош қилиш мумкин? Ишлаб чиқариш жараёнини техник, технологик, илмий ва ҳуқуқий жиҳатдан қўллаб-қувватлаш зарурми?
Унда Ўзбекистон табиий толалар илмий-тадқиқот институти хизматларидан фойдаланинг ва рақобатбардош корхонага айланинг!
Ўзбекистон табиий толалар илмий-тадқиқот институти қандай ташкилот ва у нималар билан шуғулланади?
Ўзбекистон табиий толалар илмий-тадқиқот институти 1937 йилда ташкил топган. Институт «Ўзтўқимачиликсаноат» тўқимачилик ва тикув-трикотаж саноати корхоналари уюшмаси таркибига киради.
Институтда 67 нафар ходим илмий фаолият билан машғул. Уларнинг 5 нафари фан доктори, 7 нафари фан номзоди ва 14 нафари магистр даражасига эга.
Институтнинг асосий фаолият турига табиий ва кимёвий толаларни ишлаб чиқариш ҳамда қайта ишлаш техника ва технологиясини такомиллаштириш, табиий ва аралаш толали тўқималарнинг янги рақобатбардош турларини яратиш, табиий ва кимёвий толаларни қайта ишлашни техник иқтисодий асослаш (ТИА, ТЭО), давлат стандартларини ишлаб чиқиш, мувофиқлаштириш, тасдиқлаш ва ўрнатилган тартибда рўйхатдан ўтказиш, норматив ҳужжатларни тайёрлаш, диссертацияларни илмий кенгашда кўриб чиқиш ҳамда хулоса бериш каби вазифалар киради.
Ўзбекистон табиий толалар илмий-тадқиқот институти қандай хизматларни таклиф этади?
Тўқимачилик ва тикув-трикотаж саноати маҳсулотларини стандартлаштириш техник қўмитаси хом ипак, калава ип, момиқ пахта, ипли ва ипакли газламалар, тукли газламалар, нотўқима материаллар, трикотаж, тикувчилик ва гилам маҳсулотлари, тўқимачилик дастгоҳлари ва уларнинг эҳтиёт қисмлари учун стандартлаштириш ишларини амалга оширади.
Ассортимент ва сифат маркази ички ва ташқи бозор талабларига жавоб берадиган харидоргир газлама турларини яратиш, тўқимачилик толалари ва маҳсулотларининг кимёвий таркибини аниқлаш, барча турдаги тўқув дастгоҳлари учун белгиланган кўрсаткичлар бўйича янги турдаги газлама яратиш хизматларини кўрсатади.
Шаҳодатланган синов лабораторияси мутахассислари пиллани доналаб ва гуруҳлаб чувишда турли намуналарда синов ишларини ўтказади ва технологик режимларни ишлаб чиқади. Пиллани доналаб чувиш дастгоҳи ёрдамида тола ингичкалигини, умумий ва узлуксиз узунлигини, чувилувчанлигини аниқлаб, истиқболли навларни яратишда тавсиялар беради. Газламалар, трикотаж матолари ва маҳсулотларининг тузилиш таркибини аниқлайди.
Normaтив ва иқтисодий изланишлар лабораторияси корхонани соғломлаштириш бўйича лойиҳа дастури тайёрлаш, бирламчи хом ашё ҳаракати ҳисоби бўйича йўриқнома яратиш, инвестицион лойиҳаларнинг техник иқтисодий асосларини ишлаб чиқиш, тўқимачилик саноатида хом ашё, технологик дастгоҳлар ҳолати ва ишлаб чиқарилган маҳсулотларга экспертиза хулосаси бериш билан шуғулланади. Шунингдек, хом ашё ва ёрдамчи ашёлар сарфи, иккиламчи материал ресурслар (чиқинди)лар нормаси, техник ҳисоблар, лавозим йўриқномалари, штатлар жадвали каби норматив-техник ҳужжатлар тайёрлайди.
Пиллакашлик ва ипак эшиш лабораторияси хом ипакни ишлаб чиқиш ва уни қайта ишлашда янги инновацион ва амалий ишланмалар устида изланиш ва корхоналарда тадқиқот ишларини олиб бориш, республикамизда ва хорижда хом ипак ишлаб чиқариш бўйича илм-фан ютуқларини ишлаб чиқаришга жорий этиш, пиллакашлик ва ипак йигириш корхоналарига хом ашё сарфи бўйича техник-норматив ҳужжатлар тайёрлаб бериш, хом ипак ишлаб чиқаришда унинг сифатини халқаро стандартлар билан уйғунлашган ЎзДСт 3313:2018 «Хом ипак техник шартлар» Давлат стандартига мувофиқ 4 А, 3 А синф сифат кўрсаткичларига олиб чиқиш бўйича тадқиқот ва синов ишларини олиб бориш каби хизматларни таклиф этади.
Тўқимачилик толаларини йигириш лабораторияси инновацион илмий технологиялар ишланмасини ишлаб чиқиш, тўқимачилик толаларини йигириш корхоналарида ўрнатилган технологик дастгоҳларни технологик параметрларига асосланиб, ишлаб чиқариш жараёнидаги хом ашё сарфи, тайёр маҳсулот, иккиламчи материал ресурслар (чиқинди)лар ва йўқотишлар фоизда чиқиши бўйича норматив ҳужжатлар тайёрлаб бериш, йигирув корхоналарига ишлаб чиқариш қўлланмалари тайёрлаш, табиий ва полиэфир толалар аралашмасидан ип калава ишлаб чиқаришда янги технологиялар яратиш бўйича илмий тадқиқот изланишлари олиб бориш билан шуғулланади.
Тутчилик ва ипакчилик бўлими биологик фаол моддалар қўллаб тупроқ унумдорлиги ва тола ҳосилдорлигини ошириш, серҳосил ва истиқболли тут плантациялари яратиш ва озуқа базасини мустаҳкамлаш, пилла хом ашёсига талаблар ишлаб чиқиш, ер участкаларида интенсив тут кўчатлари ўстиришнинг янги экологик тоза, юқори самарали агротехнологиясини жорий этиш, ипак қурти боқиш учун янги ғаладон туридаги сўкичаклар асосида тежамкор қуртхоналар яратиш хизматларини таклиф этади.
Биз таклиф этаётган хизматлардан фойдаланиб эртанги кунга дадил қадам босинг. Сиз ва сизнинг корхонангиз билан ҳамкорлик қилишдан мамнунмиз.
Манзил: Марғилон шаҳар, Мустақиллик кўчаси, 400-уй.
Тел: 95 400 57 36
Тел /Факс: 73 253 17 21
Web-сайт:
E-mail: margilon_shoyi@yahoo.com
E-хат: uzniinv@exat.uz
Реклама ҳуқуқи асосида
Изоҳ (0)