Ishlab chiqarayotgan mahsulotlaringiz tarkibida tabiiy va aralash tolalar mavjudmi? Mahsulot va xizmatlaringizni qanday qilib yanada sifatli va raqobatbardosh qilish mumkin? Ishlab chiqarish jarayonini texnik, texnologik, ilmiy va huquqiy jihatdan qo‘llab-quvvatlash zarurmi?
Unda O‘zbekiston tabiiy tolalar ilmiy-tadqiqot instituti xizmatlaridan foydalaning va raqobatbardosh korxonaga aylaning!
O‘zbekiston tabiiy tolalar ilmiy-tadqiqot instituti qanday tashkilot va u nimalar bilan shug‘ullanadi?
O‘zbekiston tabiiy tolalar ilmiy-tadqiqot instituti 1937-yilda tashkil topgan. Institut “O‘zto‘qimachiliksanoat” to‘qimachilik va tikuv-trikotaj sanoati korxonalari uyushmasi tarkibiga kiradi.
Institutda 67 nafar xodim ilmiy faoliyat bilan mashg‘ul. Ularning 5 nafari fan doktori, 7 nafari fan nomzodi va 14 nafari magistr darajasiga ega.
Institutning asosiy faoliyat turiga tabiiy va kimyoviy tolalarni ishlab chiqarish hamda qayta ishlash texnika va texnologiyasini takomillashtirish, tabiiy va aralash tolali to‘qimalarning yangi raqobatbardosh turlarini yaratish, tabiiy va kimyoviy tolalarni qayta ishlashni texnik iqtisodiy asoslash (TIA, TEO), davlat standartlarini ishlab chiqish, muvofiqlashtirish, tasdiqlash va o‘rnatilgan tartibda ro‘yxatdan o‘tkazish, normativ hujjatlarni tayyorlash, dissertatsiyalarni ilmiy kengashda ko‘rib chiqish hamda xulosa berish kabi vazifalar kiradi.
O‘zbekiston tabiiy tolalar ilmiy-tadqiqot instituti qanday xizmatlarni taklif etadi?
To‘qimachilik va tikuv-trikotaj sanoati mahsulotlarini standartlashtirish texnik qo‘mitasi xom ipak, kalava ip, momiq paxta, ipli va ipakli gazlamalar, tukli gazlamalar, noto‘qima materiallar, trikotaj, tikuvchilik va gilam mahsulotlari, to‘qimachilik dastgohlari va ularning ehtiyot qismlari uchun standartlashtirish ishlarini amalga oshiradi.
Assortiment va sifat markazi ichki va tashqi bozor talablariga javob beradigan xaridorgir gazlama turlarini yaratish, to‘qimachilik tolalari va mahsulotlarining kimyoviy tarkibini aniqlash, barcha turdagi to‘quv dastgohlari uchun belgilangan ko‘rsatkichlar bo‘yicha yangi turdagi gazlama yaratish xizmatlarini ko‘rsatadi.
Shahodatlangan sinov laboratoriyasi mutaxassislari pillani donalab va guruhlab chuvishda turli namunalarda sinov ishlarini o‘tkazadi va texnologik rejimlarni ishlab chiqadi. Pillani donalab chuvish dastgohi yordamida tola ingichkaligini, umumiy va uzluksiz uzunligini, chuviluvchanligini aniqlab, istiqbolli navlarni yaratishda tavsiyalar beradi. Gazlamalar, trikotaj matolari va mahsulotlarining tuzilish tarkibini aniqlaydi.
Normativ va iqtisodiy izlanishlar laboratoriyasi korxonani sog‘lomlashtirish bo‘yicha loyiha dasturi tayyorlash, birlamchi xomashyo harakati hisobi bo‘yicha yo‘riqnoma yaratish, investitsion loyihalarning texnik iqtisodiy asoslarini ishlab chiqish, to‘qimachilik sanoatida xomashyo, texnologik dastgohlar holati va ishlab chiqarilgan mahsulotlarga ekspertiza xulosasi berish bilan shug‘ullanadi. Shuningdek, xomashyo va yordamchi ashyolar sarfi, ikkilamchi material resurslar (chiqindi)lar normasi, texnik hisoblar, lavozim yo‘riqnomalari, shtatlar jadvali kabi normativ-texnik hujjatlar tayyorlaydi.
Pillakashlik va ipak eshish laboratoriyasi xom ipakni ishlab chiqish va uni qayta ishlashda yangi innovatsion va amaliy ishlanmalar ustida izlanish va korxonalarda tadqiqot ishlarini olib borish, respublikamizda va xorijda xom ipak ishlab chiqarish bo‘yicha ilm-fan yutuqlarini ishlab chiqarishga joriy etish, pillakashlik va ipak yigirish korxonalariga xomashyo sarfi bo‘yicha texnik-normativ hujjatlar tayyorlab berish, xom ipak ishlab chiqarishda uning sifatini xalqaro standartlar bilan uyg‘unlashgan O‘zDSt 3313:2018 “Xom ipak texnik shartlar” Davlat standartiga muvofiq 4 A, 3 A sinf sifat ko‘rsatkichlariga olib chiqish bo‘yicha tadqiqot va sinov ishlarini olib borish kabi xizmatlarni taklif etadi.
To‘qimachilik tolalarini yigirish laboratoriyasi innovatsion ilmiy texnologiyalar ishlanmasini ishlab chiqish, to‘qimachilik tolalarini yigirish korxonalarida o‘rnatilgan texnologik dastgohlarni texnologik parametrlariga asoslanib, ishlab chiqarish jarayonidagi xomashyo sarfi, tayyor mahsulot, ikkilamchi material resurslar (chiqindi)lar va yo‘qotishlar foizda chiqishi bo‘yicha normativ hujjatlar tayyorlab berish, yigiruv korxonalariga ishlab chiqarish qo‘llanmalari tayyorlash, tabiiy va poliefir tolalar aralashmasidan ip kalava ishlab chiqarishda yangi texnologiyalar yaratish bo‘yicha ilmiy tadqiqot izlanishlari olib borish bilan shug‘ullanadi.
Tutchilik va ipakchilik bo‘limi biologik faol moddalar qo‘llab tuproq unumdorligi va tola hosildorligini oshirish, serhosil va istiqbolli tut plantatsiyalari yaratish va ozuqa bazasini mustahkamlash, pilla xomashyosiga talablar ishlab chiqish, yer uchastkalarida intensiv tut ko‘chatlari o‘stirishning yangi ekologik toza, yuqori samarali agrotexnologiyasini joriy etish, ipak qurti boqish uchun yangi g‘aladon turidagi so‘kichaklar asosida tejamkor qurtxonalar yaratish xizmatlarini taklif etadi.
Biz taklif etayotgan xizmatlardan foydalanib ertangi kunga dadil qadam bosing. Siz va sizning korxonangiz bilan hamkorlik qilishdan mamnunmiz.
Manzil: Marg‘ilon shahar, Mustaqillik ko‘chasi, 400-uy.
Tel: 95 400 57 36
Tel /Faks: 73 253 17 21
Web-sayt:
E-mail: margilon_shoyi@yahoo.com
E-xat: uzniinv@exat.uz
Reklama huquqi asosida
Izoh (0)