Ёшлар ижод саройида PROlogue IV халқаро кинофестивалининг очилиш маросими бўлиб ўтди. Маросимда «Ўзбеккино» МА раҳбарияти, Ўзбекистон ёшлар иттифоқи, фестиваль ташкилотчилари, маҳаллий ва хорижий киноижодкорлар ҳамда ОАВ ходимлари иштирок этишди. «Дарё» маросимдан фоторепортаж тайёрлади.
«Ўзбеккино» МА раҳбари Фурқат Зокиров PROlogue IV халқаро кинофестивалининг очилиш маросимида сўзга чиқиб, халқаро кинофестивалда иштирок этиш учун олтмишдан ортиқ давлатлардан аризалар қабул қилингани, фестивалдан асосий мақсад эса, ўзбек киносини дунёга олиб чиқиш, эканлигини маълум қилди.
Маросим давомида «Ўзбек киносининг тарихи» фото кўргазмасининг очилиши ҳам бўлиб ўтди. Кўргазма очилишида рамзий қизил лентани Ўзбекистон халқ артисти Гавҳар Зокирова кесиб, ўзининг эзгу ниятларини билдирди.
Шунингдек, кинофестиваль ташкилотчилари ҳамда ҳакамлар ҳайъати билан матбуот анжуманлари бўлиб ўтди.
Ёш киноижодкорлар кенгаши раиси, фестиваль ташкилотчиси Ойбек Абдушукуровнинг «Дарё» мухбири Феруз Муҳаммадга берган маълумотларига қараганда, PROlogue халқаро кинофестивалига 2017 йилнинг декабрь ойидан тайёргарлик ишлари бошланган бўлиб, халқаро кинофестиваллар, хусусан халқаро Канн кинофестивали андозаси асосида ушбу фестивалга бир йил мобайнида тайёргарлик кўрилган.
Изоҳ (0)