Жорий йилнинг 29 март куни Ўзбекистон Республикаси Президенти Шавкат Мирзиёев «Обод қишлоқ» дастури тўғрисида фармонни имзолади, деб ёзади Маданият вазирлиги ахборот хизмати.
Фармон ижросини таъминлаш мақсадида республиканинг ҳар бир тумани ва шаҳарида аҳолининг яшаш шароитларини тубдан яхшилаш, турмуш тарзи ва даражасида сезиларли ижобий ўзгаришларни таъминлашга, мазкур қишлоқ (маҳалла)ларнинг қиёфасини замонавийлаштириш ва унда истиқомат қилувчилар учун иш ўринларини яратиш мақсадида кенг кўламлий ишлар амалга оширилмоқда.
«Обод қишлоқ» дастури асосида Жиззах вилояти, Мирзачўл тумани, Гагарин шаҳрида қишлоқ аҳоли пунктларининг меъморий қиёфаси тубдан янгиланди, йўл-транспорт инфратузилмаси, муҳандислик-коммуникация тармоқлари ва ижтимоий соҳа объектлари барпо этилди.
Бугун барпо этилган уй-жойлар тантанали равишда ўз эгаларига топширилди. Очилиш маросими кансерт дастурига уланди.
Дастурда Ўзбекистон халқ артистлари Озодбек Назарбеков, Зулайҳо Бойхонова, Ўзбекистонда хизмат кўрсатган артист Алишер Турдиев (Алишер Файз), хонанда Баҳром Назаровлар иштирок этди.
Изоҳ (0)