Yoshlar ijod saroyida PROlogue IV xalqaro kinofestivalining ochilish marosimi bo‘lib o‘tdi. Marosimda “O‘zbekkino” MA rahbariyati, O‘zbekiston yoshlar ittifoqi, festival tashkilotchilari, mahalliy va xorijiy kinoijodkorlar hamda OAV xodimlari ishtirok etishdi. “Daryo” marosimdan fotoreportaj tayyorladi.
“O‘zbekkino” MA rahbari Furqat Zokirov PROlogue IV xalqaro kinofestivalining ochilish marosimida so‘zga chiqib, xalqaro kinofestivalda ishtirok etish uchun oltmishdan ortiq davlatlardan arizalar qabul qilingani, festivaldan asosiy maqsad esa, o‘zbek kinosini dunyoga olib chiqish, ekanligini ma’lum qildi.
Marosim davomida “O‘zbek kinosining tarixi” foto ko‘rgazmasining ochilishi ham bo‘lib o‘tdi. Ko‘rgazma ochilishida ramziy qizil lentani O‘zbekiston xalq artisti Gavhar Zokirova kesib, o‘zining ezgu niyatlarini bildirdi.
Shuningdek, kinofestival tashkilotchilari hamda hakamlar hay’ati bilan matbuot anjumanlari bo‘lib o‘tdi.
Yosh kinoijodkorlar kengashi raisi, festival tashkilotchisi Oybek Abdushukurovning “Daryo” muxbiri Feruz Muhammadga bergan ma’lumotlariga qaraganda, PROlogue xalqaro kinofestivaliga 2017-yilning dekabr oyidan tayyorgarlik ishlari boshlangan bo‘lib, xalqaro kinofestivallar, xususan xalqaro Kann kinofestivali andozasi asosida ushbu festivalga bir yil mobaynida tayyorgarlik ko‘rilgan.
Izoh (0)