18 ноябрь, якшанба куни Бельгия терма жамоаси Швейцария термасига қарши Миллатлар Лигаси мусобақаси доирасида баҳс олиб бориб, 2:5 ҳисобида мағлуб бўлди.
Мазкур ўйинда Бельгия терма жамоаси дарвозасини «Реал Мадрид» посбони Тибо Куртуа қўриқлади. Куртуа шу тариқа жорий мавсумнинг ўзида иккита ўйинда ўз дарвозасидан 5 тадан гол ўтказиб юборди. Куртуа Швейцариядан олдин «Реал» таркибида «Барселона»га қарши баҳсда 5 та гол ўтказганди.
Жорий мавсумга қадар Куртуа фаолияти давомида атиги 2 та ўйинда ўз дарвозасидан 5 та гол олиб чиққанди. Жумладан, 2011 йилда «Барселона»—«Атлетико» (5:0) баҳсида ва 2015 йилда «Тоттенҳэм»—«Челси» (5:3) беллашувида рақиблар Куртуа қўриқлаган дарвозага бештадан гол урган.
Изоҳ (0)