Россиялик қўшиқчи Евгений Осин 54 ёшида вафот этди, деб хабар бермоқда «Вести.ru». Хонанда ўз уйида ҳаётдан кўз юмган, ўлимининг расмий сабаби ошкор этилмаяпти.
Осинга ўтган йили алкоголизмнинг сўнгги босқичи ташхиси қўйилган, уни даволаниш учун Таиланддаги клиникага юборишган эди. 2018 йилги интервьюда артист спиртли ичимликни мотоспирт билан алмаштирганини, аммо бир ҳафта ичида икки марта автоҳалокатга учраганини айтган эди.
«Рен ТВ» телеканали маълумотларига кўра, қўшиқчи алкоголь истеъмолидан юзага келган юрак тўхтаб қолишидан вафот этган бўлиши мумкин. Жасадни Евгенийнинг синглиси Албина кўриб қолган.
Бундан ташқари, март ойида хонанданинг ҳамкасблари унинг саломатлиги билан боғлиқ муаммолар ҳақида маълум қилганди. «Унинг авария чоғида шикастлаб олган қўли йиринглаб ётибди. Буйраклари ишламаяпти. Оёқлари ишламаяпти. Оёғи билан олдин ҳам муаммолар бўлган. Шифокорлар унга ҳеч қачон ичмасликни тайинлаган эди», — деди «Ласковий май» гуруҳи продюсери Андрей Разин.
Изоҳ (0)