Ўзбекистон маданият вазири 15—17 ноябрь кунлари VII Санкт-Петербург халқаро маданият Форумида иштирок этади, деб хабар берди вазирлик матбуот хизмати.
«Бахтиёр Сайфуллаев Россия Федерацияси Маданият вазири Владимир Мединский таклифига биноан 15—17 ноябрь кунлари Санк-Петербург шаҳрида бўлиб ўтадиган VII Санкт-Петербург халқаро маданият форумида иштирок этиш учун йўл олди», — дейилади хабарда.
Ушбу Форум 2012 йилдан буён ўтказилиб келинмоқда. Таъкидлаш жоизки, бу каби маданий форумлар соҳа мутахассислари учун халқаро миқёсда тажриба алмашиш майдони бўлиб хизмат қилади.
Маданият вазири бу форумда маданият ва санъат соҳасида стратегик аҳамиятга эга учрашувлар ва келишувларни амалга оширишни кўзда тутган.
Форум Россия Федерацияси ҳукумати, Маданият вазирлиги, Санкт-Петербург ҳукумати томонидан ташкил этилмоқда.
Изоҳ (0)