Фарғона вилояти Учкўприк туманида истиқомат қилувчи фуқаро Б.О.нинг хонадонидан гиёҳвандлик моддаси топилди. Бу ҳақда вилоят ички ишлар бошқармаси маълумотига таяниб, «Дарё» мухбири Азизжон Эрматов хабар берди.
Фарғона вилоят ИИБ транспортда жамоат хавфсизлигини таъминлаш бўлими ходимлари томонидан ўтказилган тезкор тадбир давомида гумондор Б.О.нинг хонадони ўрганилган. Фуқаро хонадонини текшириш жараёнида ҳовлидаги молхона кўздан кечирилганида, у ерда 1 кг 234 грамм марихуана гиёҳвандлик моддаси борлиги аниқланган.
Ҳозирда ички ишлар бошқармаси ҳузуридаги тергов бўлими томонидан фуқаро Б.О.га нисбатан жиноят иши қўзғатилган.
Изоҳ (0)