Тошкент вилоятидаги Чирчиқ полигонида Ўзбекистон миллий гвардияси махсус батальони тезкор гуруҳи томонидан тактик ўқув машғулотлари ташкил этилди. Бу ҳақда UzNews хабар берди.
Тактик гуруҳ ўқув машғулоти давомида шартли душман томонидан жойлаштирилган қуролларни аниқлаш ва йўқ қилиш, террорчилар гуруҳи томонидан қўлга олинган кўп қаватли уйлар аҳолисини қутқариш машқларини ўтказди. Дала машғулотлари жараёни «Ўзбекистон 24» телеканали томонидан видеолавҳа шаклида намойиш этилди.
Машқлар якунида натижалар таҳлил қилингани қайд этилган.
Изоҳ (0)