Озонни бузадиган моддаларни ишлаб чиқаришни тақиқлайдиган Монреаль протоколига тўлиқ амал қилинган тақдирда, атмосферанинг озон қатлами шимолий яримшарда 2030 йилга қадар, бутун Ерда эса 2060 йилга қадар тўлиқ тикланиши мумкин. Бу ҳақда Бутунжаҳон метеорологик ташкилоти тадқиқоти маълумотларига таяниб, «Корреспондент.net» хабар берди.
1970 йилларнинг охирида озон қатламининг емирилиши аниқланган, бироқ XXI асрнинг бошига келиб, у тўхтаган. Олимларни буни қисман глобал иқлим исиши ва атмосферада углерод гази концентрациясининг ошиши билан боғлайди. Шунингдек, емирилишнинг тўхташи Монреаль протоколи имзоланишининг ижобий натижалари билан ҳам боғланади.
Ташкилотнинг маълумотларига кўра, 2000 йилдан буён қутб ҳудудлари чегараларида озон қатламининг 1—3 фоизи ўн йиллик ичида қайта тикланган. Агар мазкур темп сақланиб қолса, шимолий яримшарда ва ўрта кенгликларида қатлам 2030 йилгача тикланади, жанубий яримшарда эса бу тикланиш 2050 йилгача, қутб ҳудудларида 2060 йилгача тикланиш ўз ниҳоясига етади.
Изоҳ (0)