Қашқадарё вилояти маъмурий маркази Қарши шаҳрида 4 ноябрь куни ис газидан заҳарланиш ҳолати юз берди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Қарши шаҳрида яшовчи Д.Х. исмли аёлнинг уйида ижарада яшовчи тўрт қиз ошхонадаги газ плитасини ёқиб ухлаб қолиши сабаб ис газидан заҳарланган.
Хабар беришларича, жабрланувчилардан икки нафарига касалхонада тиббий ёрдам кўрсатилган, қолган иккиси эса касалхонага ётқизилган.
«Суриштирув ишлари олиб борилмоқда», — дейилади ИИВ ахборотида.
Эслатиб ўтамиз, Тошкент шаҳрида 31 октябрь ва 1 ноябрь куни юз берган ис газидан заҳарланиш ҳолатлари оқибатида жами етти киши ҳалок бўлди.
Изоҳ (0)