Ўзбекистонда 2019 йилда қандли диабет касаллиги профилактикаси бўйича давлат дастури қабул қилинади. Бу ҳақда Гулистон шаҳрида бўлиб ўтган «Аёллар ўртасида қандли диабет профилактикаси» семинарида маълум қилинди, дея хабар берди Turon 24.
Ўзбекистон хотин-қизлар қўмитаси, «Умид» хайрия жамоат бирлашмаси ҳамкорлигида ташкил этилган семинарда тиббиёт фанлари номзоди, «Умид» хайрия жамоат бирлашмаси раиси Нилуфар Иброҳимова иштирокчиларга касалликнинг келиб чиқиш омиллари ҳақида тушунчалар берди.
«40 ёшдан ошган ҳар бир инсон йилда бир маротаба касалликдан сақланиш мақсадида қон таҳлилини топшириши лозим, – деди бирлашма раиси. – Беморликни эрта аниқлаш умрни узайтиришга кўмак беради. Эрталаб нонушта қилмайдиган инсонлар қандли диабетга мойил бўлади».
Семинар якунида иштирокчилар ўртасида «Диабетга чалинмаганингизни текширинг» сўровнома-тести ўтказилди. Ушбу тест саволлари касалликни аниқлашда синовдан ўтган усул ҳисобланади.
Изоҳ (0)