Нью-Йорк полицияси америкалик 60 ёшли актёр Алек Болдуинга нисбатан айблов эълон қилди — полиция талқинига кўра, актёр автотураргоҳда жой талашиш оқибатида юз берган можаро вақтида у билан баҳслашган эркакка ҳужум қилиб, уни ҳақоратлаган. Meduza’нинг ёзишича, актёр ўзига нисбатан илгари сурилган айбловларни ёлғон деб атаган.
Тахминларга кўра, можаро 2 ноябрь куни Манхэттенда юз берган. Полиция вакилларининг Болдуин сўзларига асосланиб хабар беришича, актёрнинг қариндошлари унинг жой банд қилиб турган вақтда автотураргоҳга бошқа бир одам келиб қолган. Жанжал вақтида исми ошкор этилмаётган 49 ёшли эркакнинг жағи синган, шундан сўнг уни шифохонага олиб кетишган.
Алек Болдуин қўлга олинган, бироқ орадан икки соат ўтиб уни қўйиб юборишган. У 26 ноябрь куни бўлиб ўтадиган судга келиши шарт.
Алек Болдуин Saturday Night Live комедия шоусида АҚШ президенти Дональд Трампни пародия қилиб чиқади; актёрнинг қўлга олингани ҳақидаги хабарга Трамп шундай муносабат билдирди: «Унга омад тилайман».
Алек Болдуин 2014 йили бир томонлама ҳаракатли йўлда қоидаларга зид равишда велосипед ҳайдагани учун қўлга олинган. Ўшанда актёр полициячига бақирган, шунинг учун уни безориликда айблашган. 1995 йили Болдуин фотосуратчини уришда айбланган, бироқ суд уни ўшанда оқлаган.
Изоҳ (0)