Европа тараққиёт ва тикланиш банки Ўзбекистонда иқтисодий ўсиш кўрсаткичлари пасайишини тахмин қилмоқда. Бу ҳақда банк ҳисоботида келтириб ўтилади, дея хабар берди «Turon 24».
Иқтисодий ўсиш кўрсаткичи 2018 йилда 5,3 фоиздан 5 фоизгача, 2019 йилда 4,5 фоизгача пасаяди.
Банк мутахассислари Ўзбекистондаги иқтисодий ўсишнинг пасайиши сабабини мамлакатда тўлов баланси кўрсаткичларининг ёмонлашуви ҳамда нархларнинг кўтарилиши туфайли аҳоли истеъмол қувватининг камайиши билан боғлиқ дея ҳисобламоқда.
Бундан ташқари, инфляция ҳисобига аҳоли реал даромадларининг пасайиши ва савдо дефицитининг кенгайиши ҳам кутилмоқда. Валюта айирбошлаш ва нарх курсини либераллаштириш ҳамда субсидияларнинг пасайиши нархларнинг тартибга солиниши ва иккиламчи инфляцияга олиб келди.
Шунингдек, Ўзбекистонда олиб борилаётган ислоҳотлар кейинг йилларда мамлакатнинг иқтисодий ўсишига имконият яратади, дейилади ҳисоботда.
Аввалроқ ХВФ Ўзбекистонда инфляция даражасининг йиллик кўрсаткичи 19,2 фоиз бўлишини прогноз қилганди. Бу МДҲ давлатлари орасида энг юқори кўрсаткич.
Давлат статистика қўмитаси маълумотида мамлакатда инфляция даражаси кўрсаткичи жорий йилнинг 1 ноябрь ҳолатига кўра йиллик 16,3 фоизни ташкил этган.
Изоҳ (0)