Шанхай ҳамкорлик ташкилотига аъзо давлатлар махсус хизматлари 2017 йилда террорчи ташкилотларнинг 50 дан ортиқ тармоғи фаолиятига чек қўйди, 150 нафардан ортиқ террорчини қўлга олди. Бу ҳақда Тошкентда иш бошлаган ШҲТ Минтақавий аксилтеррор тизими халқаро анжуманида МАТТ ижроия қўмитаси директори Евгений Сисоев маълум қилди, дея хабар беради «Газета.uz».
МАТТ раҳбарига кўра, йил давомида террорчи ва диний-экстремистик интернет гуруҳларнинг 360 нафар қатнашчиси фаолиятининг олди олинди. Шундай контентга эга веб-сайтлар маъмурлари ва модераторларига нисбатан 122 та жиноий иш қўзғатилди.
«Интернет тармоғини терроризм ва экстремизм мақсадларида фойдаланишга қарши туриш мақсадида 500 мингдан ортиқ материал жамланган 80 минг интернет-ресурсга кириш имконияти чекланди», — таъкидлади Евгений Сисоев.
Изоҳ (0)