Италияда ёғингарчилик туфайли бир кунда тўрт киши ҳалок бўлди, шу тариқа қурбонларнинг умумий сони 17 кишига етди, деб ёзади «Интерфакс» Италиянинг La Republica газетасига таяниб.
Валле-д’Аоста вилоятида автомобиль устига дарахт қулаб тушиши оқибатида, унинг ичида бўлган икки киши ҳаётдан кўз юмган. Трентино - Альто-Адиже вилоятида аввалроқ дарахтдан йиқилиб шикастланган ва касалхонага ётқизилган эркак вафот этди. Шу вилоятда 81 ёшли эркак ўз уйи томидан тушиб кетиб, ҳалок бўлди.
Энг ёмон вазият Венето вилоятида қайд этилди, у ерда «хавфнинг қизил даражаси» эълон қилинди. У ерда кучли ёмғир етказган зарар 1 миллиард еврога баҳоланди. «Тўқ сариқ» даража Лацио, Лигурия ва Сицилияда, «сариқ» — Пьемонт, Тоскана ва Кампанияда эълон қилинди.
Изоҳ (0)