Жорий йил октябрь ойининг биринчи ярмида Тошкент шаҳрида савдо ва хизмат кўрсатиш соҳасида ҳуқуқбузарликларнинг олдини олиш бўйича профилактик тадбирлар ўтказилди, деб хабар беради ЎзА.
Профилактик тадбирлар жараёнида тегишли ҳужжатлари бўлмаган 47,2 миллион сўмлик тамаки маҳсулотлари савдога қўйилганлиги аниқланди.
Тошкентнинг Миробод тумани, Миробод кўчаси, 27/9-уйда ўтказилган профилактик тадбир жараёнида аксиз маркаси мавжуд бўлмаган, хорижда ишлаб чиқарилган жами 64 турдаги 772 дона, умумий қиймати 32 миллион 533 минг сўмлик тамаки маҳсулотларининг ноқонуний савдосига чек қўйилган.
Учтепа туманида ўтказилган профилактик тадбирларда фуқаро Дилшод Ғуломов (исми ва фамилияси ўзгартирилган) томонидан жами 25 турдаги 177 дона, умумий қиймати 3 миллион 329 минг сўмлик тамаки маҳсулотлари ноқонуний равишда савдога қўйилганлиги аниқланиб, ашёвий далил сифатида вақтинчалик олиб қўйилди, дейилади хабарда.
Изоҳ (0)