Microsoft корпорацияси АҚШ Мудофаа вазирлиги томонидан 10 йил аввал эълон қилинган тендердан воз кечмаслигини маълум қилди. Жамоатчилик танқидига қарамай, корпорация ўзининг барча технологияларини ҳарбийларга тақдим этиши шарт, деб ҳисоблайди. Бу ҳақда «Коммерсантъ» хабар бермоқда.
Компания раҳбари Бред Смитнинг маълум қилишича, корпорация Америка ҳарбийларига улар зарур деб ҳисоблаган исталган технологияни сотади. Унинг қўшимча қилишича, бу сунъий идрок билан боғлиқ технологияларга ҳам тааллуқли.
«Microsoft АҚШда туғилган, шу ерда ўзининг бош қароргоҳига эга ва шу мамлакат фаолият олиб бориб, ривож топгани учун ҳам узоқ вақт устунликка эга бўлган», — деди Бред Смит.
The New York Times’нинг қайд этишича, Microsoft вакиллари Пентагон билан ҳамкорлик қилиш ниятида эканини бошқа бир АКТ-гигант — Google АҚШ Мудофаа вазирлиги билан ҳамкорлик қилишдан бош тортганидан бир неча ой ўтиб маълум қилди.
Изоҳ (0)