Италиянинг антимонопол идораси Apple ва Samsung компанияларини умумий миқдорда 15 миллион евро жаримага тортди. Бунга компаниялар томонидан ишлаб чиқарилган смартфонлар ишининг атайлаб секинлаштирилгани сабаб бўлган, деб ёзмоқда «РИА Новости».
Италиянинг мутассадди идоралари Apple ва Samsung’га нисбатан текширувни 2018 йилнинг январь ойида бошлаган. Антимонопол органининг талқинига кўра, компаниялар ўз техникаларининг иш самарадорлигини пасайтириш учун баъзи қисмларнинг камчиликларидан фойдаланишга қаратилган савдо сиёсатини атайлаб сақлаб қолган, бунда харидорларни янги моделларни сотиб олишга ишонтириш мақсад қилинган.
Бундан ташқари, ишлаб чиқарувчилар фойдаланувчиларга дастурий таъминотни янгилашни таклиф қилган, бунда янгилаш қурилмалар ишига қандай таъсир кўрсатиши ҳақида огоҳлантириш берилмаган.
Истеъмолчилар ҳуқуқлари кодексининг бир қатор моддалари бузилгани сабабли Samsung компанияси беш миллион евро, Apple эса 10 миллион евро жарима тўлаши керак.
Изоҳ (0)