Буюк Британиянинг Солсбери шаҳрида полиция маҳаллий ибодатхонани ўмаришга уринган эркакни қўлга олди. Бу ҳақда «Корреспондент.net» хабар берди.
Таъкидланишича, эркак 1215 йилга тааллуқли Буюк эркинлик хартияси сақланадиган шиша қутини синдиришга уринган.
Полиция жиноятчини, ўғрилик, қурол олиб юриш ва мулкка зарар етказишда гумонлаб, қўлга олган. Ҳужжат ўғриликка уриниш чоғида зарарланмаган.
Буюк эркинлик хартияси ўзининг қонун устуворлиги тамойили билан ҳуқуқий давлат асосини яратган ҳужжат ҳисобланади. Ҳужжат биринчи марта қирроллик ҳокимиятини ҳуқуқий тизимга киритган ва давлат раҳбари ҳокимиятини қонунга бўйсундирган. Хартия нафақат англиялик феодалларнинг эркинлигини, балки Ўрта асрлар Англиясининг барча озод аҳолисини ҳимоя қилган. Тарихий ҳужжат нафақат инглиз, балки Европа ҳуқуқий онгининг ривожланишига улкан таъсир кўрсатган.
Буюк Британияда 2015 йилда ҳужжатнинг 800 йиллиги тантанавор нишонланган.
Изоҳ (0)