Молдова президенти Игорь Додон бешинчи марта лавозимидан четлатилади. Бу ҳақда 26 октябрь куни мамлакат парламенти раиси Адриан Канду маълум қилди, деб ёзмоқда «Корреспондент.net».
Унинг сўзларига кўра, четлатишга президентнинг парламент томонидан қабул қилинган иккита қонун лойиҳасини имзоламагани сабаб бўлмоқда. Хусусан, Додон Республика стадиони жойлашган майдонни АҚШнинг Молдовадаги элчихонасига бериш ҳақидаги қонун лойиҳасига, шунингдек, 9 майни Ғалаба куни билан бир қатортда Европа куни сифатида нишонлаш ҳақидаги қонун лойиҳасига имзо чекмаган.
Парламент расининг қайд этишича, Додон Телевидение ва радио ҳақидаги янги кодексни рад қилишни ҳам кўзламоқда. Бунинг натижасида ҳукмрон коалиция президентни ўз лавозимидан четлатишни яна бир марта талаб қилишга мажбур бўлган. Коалиция унинг ваколатларини мамлакат бош вазири Павел Филипга топширишни талаб қилмоқда.
Молдова президенти Додон бунга қадар ўз лавозимидан тўрт марта четлатилган. Сўнгги марта октябрь ойида мудофаа вазири номзоди учун розилик бермагани сабабли ўз вазифаларини бажаришдан четлатилган.
Изоҳ (0)