Italiyaning antimonopol idorasi Apple va Samsung kompaniyalarini umumiy miqdorda 15 million yevro jarimaga tortdi. Bunga kompaniyalar tomonidan ishlab chiqarilgan smartfonlar ishining ataylab sekinlashtirilgani sabab bo‘lgan, deb yozmoqda “RIA Novosti”.
Italiyaning mutassaddi idoralari Apple va Samsung’ga nisbatan tekshiruvni 2018-yilning yanvar oyida boshlagan. Antimonopol organining talqiniga ko‘ra, kompaniyalar o‘z texnikalarining ish samaradorligini pasaytirish uchun ba’zi qismlarning kamchiliklaridan foydalanishga qaratilgan savdo siyosatini ataylab saqlab qolgan, bunda xaridorlarni yangi modellarni sotib olishga ishontirish maqsad qilingan.
Bundan tashqari, ishlab chiqaruvchilar foydalanuvchilarga dasturiy ta’minotni yangilashni taklif qilgan, bunda yangilash qurilmalar ishiga qanday ta‘sir ko‘rsatishi haqida ogohlantirish berilmagan.
Iste’molchilar huquqlari kodeksining bir qator moddalari buzilgani sababli Samsung kompaniyasi besh million yevro, Apple esa 10 million yevro jarima to‘lashi kerak.
Izoh (0)