«Дарё» таҳририятига Самарқанд вилояти Иштихон туманидан бўлган Лутфия Раббимова мурожаат қилиб, 2006 йил 9 октябрда таваллуд топган ўғли Жонибек Ўктамов 9 ойдан ортиқроқ вақтдан буён ўткир миелобласт лейкоздан азият чекаётгани, моддий имконияти жуда чеклангани сабабли ўз вақтида даволаниш курслари учун маблағ топишда қийналаётганини билдирди.
Лутфия Раббимованинг айни вақтда 12, 10, ва 6 ёшли фарзанди бор. Турмуш ўртоғи пойтахтда ишлайди. Топгани рўзғор ва ижара тўловидан ортмайди. Унинг тўнғич фарзанди Жонибекда оққон касаллиги аломатлари 2018 йил январь ойида юзага чиқа бошлаган.
Даставвал Самарқанд вилоятидаги Гематология марказида даволаниб, текширувлардан ўтди, шу ерда ўткир миелимфобласт лейкоз ташхиси қўйилди.
2018 йил 1 февралида шошилинч тиббий ёрдам кўрсатиш Республика илмий марказига навбатдаги ташрифида Республика гематология ва қон қуйиш илмий-тадқиқот марказига юборишган. У ерда ҳам «ўткир миелимфобласт лейкоз» ташхиси ўз тасдиғини топган.
Келганида аҳволи оғир бўлган. Кўп марта қон, бир нечта анбизол ва бошқа кучли антибиотиклар олган. Ҳозирда Жонибекда ижобий ўзгаришлар бор. Даволанишни тўхтатмаслик зарур.У ҳозирда қўшимча қўллаб қувватловини 4 курс даволаниш муолажаларини оляпти.
Ҳозирда битта курсга 5 миллион сўмга яқин маблағ талаб этиляпти. Қўллаб-қувватлови 2 йил давом этади ва бунда 9 та курс бор. Бир курси икки ойни ташкил қилади.
Онасининг айтишича, дастлабки асосий даволаниш курслари учун 10 минг АҚШ долларидан ортиқ маблағ сарфланган.
Бу маблағларнинг кўпини яқинларидан, танишларидан қарз олишга мажбур бўлишган. Танишларидан олинган қарздорлик миқдори 6 минг АҚШ долларини ташкил қилади.
«Дорилари жуда қиммат. Ижара ҳаққини ўз вақтида тўлай олмаяпмиз. Маблағ етишмаслиги ўғлимнинг курсларини ўз вақтида давом эттиришга тўсқинлик қилмоқда. Қарзларимизни ҳам тез орада тўлашимиз зарур. Жуда қийин вазиятда қолдик. Оиламиз ночор аҳволда», — дейди Лутфия Раббимова.
Саҳоватпеша инсонлардан Жонибекнинг соғайиб кетишига имкон қадар ҳисса қўшишни сўраймиз!
Хайрия қилмоқчи бўлганлар учун керакли маълумотлар:
Пластик карта орқали (Click, Payme)
Раббимова Лутфия
Агробанк: 8600-0417-8195-1943
Хориждан банкдан маблағ юбормоқчи бўлганлар учун паспорт маълумотлари:
Раббимова Лутфия Хусановна
Паспорт рақами: АА 8550191
Онасининг телефон рақами:
+998909734981
Отаси Умарбек Атамуродовнинг телефон рақами: +998909091148
Изоҳ (0)