Мажбурий ижро бюросининг Шайхонтоҳур туман бўлими «Чорсу» бозори («Эски Жува деҳқон бозори» компанияси)нинг давлат олдидаги қарздорликларини аниқлади. Бозор эгалари электр таъминоти хизматлари учун 2 миллиард сўмдан ортиқ тўловларни амалга оширмаган. Бу ҳақда МИБдаги манбага асосланиб, Repost хабар бермоқда.
Қайд этишларича, «Чорсу» бозори сўнгги тўрт йил давомида электр тармоқларига ноқонуний равишда уланиб, давлатга зарар етказган. Ушбу ҳолат юзасидан жиноят иши қўзғатилган.
Маълум қилишларича, бозорнинг банк ҳисоб-рақамлари музлатиб қўйилган. Ҳисоб-рақамларда бўлган 172 миллион сўм миқдоридаги пул маблағлари давлат фойдасига ўтказилган. Бундан ташқари, МИБ ходимлари бозор мол-мулкини хатловдан ўтказиб, уни 11 миллиард сўмга баҳолаган.
«Агар қарздорлик ёпилмаса, етишмаётган маблағ мол-мулкнинг бир қисмини мусодара қилиш ҳисобидан ундирилади», — дейилади хабарда.
Изоҳ (0)