“Daryo” tahririyatiga Samarqand viloyati Ishtixon tumanidan bo‘lgan Lutfiya Rabbimova murojaat qilib, 2006-yil 9-oktabrda tavallud topgan o‘g‘li Jonibek O‘ktamov 9 oydan ortiqroq vaqtdan buyon o‘tkir miyeloblast leykozdan aziyat chekayotgani, moddiy imkoniyati juda cheklangani sababli o‘z vaqtida davolanish kurslari uchun mablag‘ topishda qiynalayotganini bildirdi.
Lutfiya Rabbimovaning ayni vaqtda 12, 10, va 6 yoshli farzandi bor. Turmush o‘rtog‘i poytaxtda ishlaydi. Topgani ro‘zg‘or va ijara to‘lovidan ortmaydi. Uning to‘ng‘ich farzandi Jonibekda oqqon kasalligi alomatlari 2018-yil yanvar oyida yuzaga chiqa boshlagan.
Dastavval Samarqand viloyatidagi Gematologiya markazida davolanib, tekshiruvlardan o‘tdi, shu yerda o‘tkir miyelimfoblast leykoz tashxisi qo‘yildi.
2018-yil 1-fevralida shoshilinch tibbiy yordam ko‘rsatish Respublika ilmiy markaziga navbatdagi tashrifida Respublika gematologiya va qon quyish ilmiy-tadqiqot markaziga yuborishgan. U yerda ham “o‘tkir miyelimfoblast leykoz” tashxisi o‘z tasdig‘ini topgan.
Kelganida ahvoli og‘ir bo‘lgan. Ko‘p marta qon, bir nechta anbizol va boshqa kuchli antibotiklar olgan. Hozirda Jonibekda ijobiy o‘zgarishlar bor. Davolanishni to‘xtatmaslik zarur.U hozirda qo‘shimcha qo‘llab quvvatlovini 4 kurs davolanish muolajalarini olyapti.
Hozirda bitta kursga 5 million so‘mga yaqin mablag‘ talab etilyapti. Qo‘llab-quvvatlovi 2 yil davom etadi va bunda 9 ta kurs bor. Bir kursi ikki oyni tashkil qiladi.
Onasining aytishicha, dastlabki asosiy davolanish kurslari uchun 10 ming AQSh dollaridan ortiq mablag‘ sarflangan.
Bu mablag‘larning ko‘pini yaqinlaridan, tanishlaridan qarz olishga majbur bo‘lishgan. Tanishlaridan olingan qarzdorlik miqdori 6 ming AQSh dollarini tashkil qiladi.
“Dorilari juda qimmat. Ijara haqqini o‘z vaqtida to‘lay olmayapmiz. Mablag‘ yetishmasligi o‘g‘limning kurslarini o‘z vaqtida davom ettirishga to‘sqinlik qilmoqda. Qarzlarimizni ham tez orada to‘lashimiz zarur. Juda qiyin vaziyatda qoldik. Oilamiz nochor ahvolda”, — deydi Lutfiya Rabbimova.
Sahovatpesha insonlardan Jonibekning sog‘ayib ketishiga imkon qadar hissa qo‘shishni so‘raymiz!
Xayriya qilmoqchi bo‘lganlar uchun kerakli ma’lumotlar:
Plastik karta orqali (Click, Payme)
Rabbimova Lutfiya
Agrobank: 8600-0417-8195-1943
Xorijdan bankdan mablag‘ yubormoqchi bo‘lganlar uchun pasport ma’lumotlari:
Rabbimova Lutfiya Xusanovna
Pasport raqami: AA 8550191
Onasining telefon raqami:
+998909734981
Otasi Umarbek Atamurodovning telefon raqami: +998909091148
Izoh (0)