Жорий йилнинг 9 ойи якуни бўйича Тошкент шаҳрида бюджет даромадлари прогнози 14 фоизга ортиғи билан бажарилиб, тушум 9,7 триллион сўмни ташкил этди, деб хабар беради Тошкент шаҳар давлат солиқ бошқармаси Жамоатчилик билан алоқалар ва ҳуқуқий ахборот шўъбаси.
Бу ўтган йилнинг мос даврига нисбатан 23 фоизга ошди дегани. Хусусан, саноат корхоналари 1,8 триллион, савдо корхоналари 1,0 триллион, қурилиш соҳаси корхоналари 0,5 триллион, транспорт корхоналари 0,7 триллион, умумий овқатланиш корхоналари 0,1 триллион, банк муассасалари 0,5 триллион ва бошқа корхоналар томонидан 5,0 триллион сўм солиқлар тўланган.
Хўжалик юритувчи субъектлар ходимларининг ҳисоботдаги ва ҳақиқий сонининг мувофиқлиги юзасидан ўтказилган профилактик тадбирлар натижасида норасмий равишда ишлаб келаётган 7 601 нафар фуқаронинг фаолияти қонунийлаштирилди. Бундан ташқари, турли муаммолар сабаб фаолиятини вақтинча тўхтатган 5257 нафар якка тартибдаги тадбиркор фаолияти давлат солиқ хизмати органлари кўмаги билан қайта тикланди.
Изоҳ (0)