Россиянинг Ленинград вилояти Гатчина шаҳридаги «Авангард» заводида ҳалок бўлган тўрт кишининг уч нафари чет эллик бўлган. Бу ҳақда «ТАСС» хабар бермоқда.
«Ҳалок бўлганларнинг уч нафари — чет эллик», — деди агентлик суҳбатдоши; унинг қўшимча қилишича, барча қурбонларнинг шахси аниқланган.
Бироқ «ТАСС» хабарида қурбонлар айнан қайси мамлакатларнинг фуқаролари эканлигига аниқлик киритилмаган.
Аввалроқ ҳалок бўлганлардан бири Беларусь фуқароси экани ҳақида хабар берилган эди.
Пиротехника воситалари ва кемпинг учун мебел ишлаб чиқаришга ихтисослашган «Авангард» заводида 19 октябрь куни портлаш юз берган эди.
Изоҳ (0)