Таниқли сўз устаси, «Мультипликацион фильмлар студияси» ДУК директори Обид Асомов бугун, 22 октябрь куни туғилган кунини нишонламоқда.
«Ўзбеккино» Миллий агентлиги Facebook’даги саҳифаси орқали Обид Асомовни бугунги сана билан табриклади.
«Ҳурматли Обид Асомов !
‘Ўзбеккинo’ Миллий агентлиги раҳбарияти Сизни баркамол 55 ёшингиз билан қутлайди. Соғлигингиз мустаҳкамлиги, фарзандларингиз ва шогирдларингиз камоли, меҳнатингизнинг муносиб қадрланиши, эзгу ниятларингизнинг ижобатидан ҳосил бўладиган бахтли онлар умрингизнинг ҳар бир дақиқасини безасин! Туғилган кунингиз муборак!», — дейилади хабарда.
Маълумот учун, Обид Асомов 1963 йил 22 октябрь куни Тошкентнинг Чилонзор туманида таваллуд топган.
1998 йилда «Обид-А театри» ҳажвий гуруҳини ташкил этган. 2006 йилдан Россия телевидениеси «Россия-1» телеканалининг «Эгри ойна» ҳажвий кўрсатувида қатнашиб келган. 2009 йилда Ўзбекистон миллий телерадиокомпанияси Обид Асомовни танқид остига олди ва тақиқ қўйди. 2017 йилда ундан барча тақиқлар олиб ташланди. 2018 йил 24 май куни Ўзбеккино миллий агентлиги қошидаги «Мультипликацион фильмлар студияси» ДУК директори этиб тайинланди.
Изоҳ (0)