Хотин-қизлар қўмитаси тегишли ташкилотлар билан ҳамкорликда ФҲДЁ органларининг энг яхши логотипи учун ижодий танлов эълон қилади. Бу ҳақда «Дарё»га қўмита матбуот хизмати хабар берди.
Танловнинг асосий мақсади – ФҲДЁ органлари хизматининг замонавий позициясини намоён қилувчи ягона услуб яратилиши, бу органларнинг мавқеини мустаҳкамлаш ҳамда органнинг фаолияти давлат ахамиятига молик ҳужжатларни қайд қилиш билан боғлиқлиги, шу билан бир қаторда оилавий қадриятларни тарғиб қилишга қаратилганлигини кенг оммага етказиш.
Логотип ФҲДЁ органлари хизматининг замонавий позициясини намоён қилиши, бу органларнинг мавқейини мустаҳкамлашга қаратилиши ҳамда бу органнинг фаолияти давлат аҳамиятга молик ҳужжатларни қайд қилиш билан боғлиқлиги, шу билан бир қаторда оилавий қадриятларни тарғиб қилишга қаратилган орган эканлигини таснифлаши лозим.
Танловда, инсон расми, давлат рамзлари, учинчи шахсларни ҳуқуқларини бузувчи, бошқа логотипларда мавжуд авторлик элементлари бўлиши тақиқланади.
Тақдим қилинган логотиплар бошқа танловларда қайд қилинганлиги, олдин ишлатилганлиги мумкин эмас, қонунчилик талабаларига мос келиши лозим.
Танлов ижодий ишлари электрон ёки қоғоз кўринишида қабул қилинади. Юқоридаги талабларга жавоб бермайдиган логотиплар намуналари баҳоланмайди.
Танловга ишлар жорий йилнинг 15 ноябргача қабул қилинади.
Ғолиб декабрда аниқланади ва тақдирланади. Танловда ғолиб бўлган иш Ўзбекистон Республикаси ФҲДЁ органларининг логотипига айланади.
«Танлов Низоми билан Хотин-қизлар қўмитасининг расмий wcu.uz сайтида танишиш мумкин. Танловда иштирок этиш учун аризалари қуйидаги электрон почта манзилига юборишингиз мумкин: tanlov.FHDYO.logotip@mail.ru.Қўшимча маълумот олиш учун телефон: 244-17-45», — дейилади хабарда.
Изоҳ (0)