Давлат хизматлари марказлари орқали кўрсатиладиган хизматлар сифатини янада ошириш, жисмоний ва юридик шахслар оворагарчилиги, сансоларлигини олдини олиш, уларни соҳага оид малакали маслаҳатдан фойдаланишларини таъминлаш мақсадида Давлат хизматлари марказлари ходимлари навбатдан ташқари аттестациядан ўтказилди. Бу ҳақда Давлат хизматлари агентлиги матбуот хизмати хабар берди.
Аттестация натижаларига асосан аттестациядан ўтказилган 1201 нафар ходимдан 204 таси (17 %) эгаллаб турган лавозимига нолойиқ ва 308 (26%) таси эгаллаб турган лавозимига шартли равишда лойиқ деб топилган.
Эгаллаб турган лавозимига нолойиқ деб топилган ходимлар билан меҳнат қонунчилигида белгиланган тартибда меҳнат шартномаларини бекор қилиш чоралари кўрилган.
Шунингдек, малакавий кўникмаларини ва соҳавий билимларини ошириш ҳамда амалдаги қонун ҳужжатларини пухта ўзлаштириш мақсадида эгаллаб турган лавозимига шартли равишда лойиқ деб топилган ходимлар6 ойда сўнг қайта аттестациядан ўтказилиши белгиланган.
Давлат хизматлари марказлари ходимларини навбатдан ташқари аттестациядан ўтказишдан асосий кўзланган мақсад уларнинг билим ва кўникмаларини мустаҳкамлаш, Агентлик ўз олдига қўйган пировард мақсади, яъни тезкор, қулай ва шаффоф давлат хизматларини кўрсатиш сифатини жадаллаштиришга қаратилгандир.
Изоҳ (0)