Европага Янги йил чипталари учун талаб россияликлар орасида деярли 20 фоизга камайди, аммо энг кутилмаган ҳолат — биринчи марта Ўзбекистон энг машҳур йўналишлар рейтингида етакчига айланди, деб хабар беради «Life.ru».
Турли тахминларга қарамай, қишки байрамлар учун Европага чипталар ўртача 2 фоизга арзонлашди. Узоқ хориж мамлакатларига ўртача чек 1 фоизга ошди. Россия бўйлаб авиачипталар 7 фоизга қимматлади. Қўшни мамлакатларга янги йил учун авиачипта нархлари ўртача 10 фоизга ўсди.
Рейтингда Марказий Осиёнинг етакчилик қилишига сабаб, муҳожирларнинг ватанига қайтиши статистика кўрсаткичларини ошириб юборган. Россияда ишлаётган меҳнат муҳожирлари ҳар йили янги йилда уйга қайтади.
Иккинчи томондан эса тобора кўпроқ сайёҳлар Марказий Осиёга саёҳат қилиш, диққатга сазовор масканларни зиёрат қилиш ва миллий таомлардан таътиб кўришни маъқул кўрмоқда.
Изоҳ (0)