АҚШ президенти Дональд Трамп журналист Жамол Қошиқчининг Саудиянинг Истанбулдаги консулхонасида ўлдирилганлигини тан олишига муносабат билдирди, деб хабар беради «РИА Новости».
У журналистнинг ўлдирилишини «қабул қилиб бўлмайдиган ҳолат» деб атади, бироқ Ар-Риёднинг изоҳини «ишончга лойиқ» эканлигини таъкидлади.
Аввалроқ, Саудия Арабистони бош прокурори Сауд ал-Муажиб, журналист Жамол Қошиқчи мамлакатнинг Истанбулдаги консулхонасида юз берган жанжал оқибатида ҳалок бўлганини маълум қилган эди.
Ушбу ҳолат юзасидан 18 киши ҳибсга олинган. Шунингдек, умумий разведка хизмати бошлиғи ўринбосари Ахмед Асири ва қироллик девонхонаси маслаҳатчиси Сауд ал-Кахтани ўз лавозимидан озод этилган.
Аризонадаги форумда чиқиш қилган Трамп Ар-Риёднинг Қошиқчининг ўлими юзасидан изоҳини «яши, катта қадам» деб атади.
Трамп қиролликнинг қотиллик юзасидан гумондорларни ҳибсга олганини ҳам «ўта муҳим» деб таъкидлаган.
Америка президенти конгресс билан журналистнинг ўлимига жавоб қайтариш масаласини ҳам ўрганиб чиқишни режалаштираётганини айтди. Бунда у Саудия Арабистони билан Америка қуролини етказиб бериш бўйича кўп миллиардли шартноманинг бекор қилинмаслигини ҳам таъкидлаган.
Изоҳ (0)