НАТО машғулотлари учун Исландияга 2 минг нафар АҚШ денгиз пиёдаси туширилди

Тахминан икки минг нафар Америка денгиз пиёдаси НАТОнинг Trident Juncture машғулотлари доирасида ўқув десант операциясини амалга ошириш учун Исландияга туширилди. Бу ҳақда «РИА Новости» хабар берди.

Хабар қилинишича, ҳарбийлар АҚШ ҳарбий-денгиз кучларининг USS Iwo Jima, USS Gunston Hall ва USS New York десант кемаларидан туширилган. Таъкидланишича, денгиз пиёдалари отрайдлари Исландиянинг совуқ иқлим шароитида машғулотлар ўтказишни кўзламоқда.