Норматив-ҳуқуқий ҳужжатлар лойиҳалари муҳокамаси порталида «Умумтаълим муассасалари фаолиятини текшириш ишларини тартибга солиш чора-тадбирлари тўғрисида»ги Вазирлар Маҳкамаси қарори лойиҳаси жойлаштирилди. Бу ҳақда Хушнудбек Худойбердиев маълум қилди.
Мазкур қарор педагоглар ва бошқа ходимларнинг касбий фаолиятига асоссиз равишда аралашувга чек қўйиш, таълим жараёнига салбий таъсир кўрсатувчи омилларни аниқлаш ва бартараф этиш мақсадида ишлаб чиқилган.
Қарорга кўра, қуйидаги органлар мактабларни текшириши мумкин:
Тўғридан-тўғри текширишга ваколатли органлар:
Прокуратура органлари;
Вазирлар Маҳкамаси ҳузуридаги Таълим сифатини назорат қилиш давлат инспекцияси;
Тасарруфида умумтаълим муассасаси бўлган вазирлик ва идоралар.
Прокуратура билан келишган ҳолда текширишга ваколатли органлар:
Сенат, Қонунчилик палатаси, вилоят, туман ва шаҳар Кенгашлари депутатлари (кўпи билан 5 йилда 1 марта);
Адлия органлари (кўпи билан йилига 1 марта);
Ички ишлар вазирлиги, Давлат ёнғин хавфсизлиги хизмати (режа асосида);
Давлат санитария-эпидемиология назорати (қўшма тасдиқланган график асосида);
Бандлик ва меҳнат муносабатлари вазирлиги (мурожаатга асосан);
Ҳисоб палатаси, Молия вазирлиги (3 йилда 1 марта);
Фавқулодда вазиятлар вазирлиги (фавқулодда ҳолатларда);
Экология ва атроф-муҳитни муҳофаза қилиш давлат қўмитаси (мурожаатга асосан).
Мазкур қарор лойиҳаси қабул қилиниши, ўзгартирилиши ёки рад қилиниши мумкин.
Изоҳ (0)