Америкалик машҳур қўшиқчи ва актриса Селена Гомес руҳий клиникага тушиб қолди, у ерда уни асаб фаолиятининг бузилиши оқибатларидан даволашмоқда, деб ёзади Tengrinews.
TMZ маълумотларига кўра, сентябрь охирида 26 ёшли қўшиқчи қон таҳлили натижалари қониқарсиз чиққач, оддий касалхонага ётқизилган эди. Тиббий текширув натижалари Гомесга бир йил аввал буйрак кўчириб ўтказилганидан кейин лейкоцитларнинг паст миқдорини кўрсатди.
Селена тиббий муассасадан чиқиб кетмоқчи бўлган, аммо шифокорлар бунинг ножоизлигини айтгач, хонанданинг руҳий мувозанати бузилган. Гомесни руҳий бўлимга ўтказишди, у ерда у руҳий беқарорлик ва ўз жонига қасд қилишга мойил беморларнинг аҳволини яхшилашда қўлланиладиган даволанишдан ўтмоқда.
Таъкидланишича, Селена йигити Жастин Бибер билан оғриқли айрилиқ, волчанка (тери силининг бир тури), буйрак кўчириб ўтказиш операциясини бошидан кечирган. Энг сўнгги томчи интернетдаги салбий изоҳлар бўлди. Хонандага бундай изоҳлар собиқ севгилиси Жастин Бибер модель Хейли Болдуинга уйлангач, келиб туша бошлаган.
Изоҳ (0)