Грознийда лезгинка ижро этган Тимати ва унинг қаллиғи ижтимоий тармоқларда масхара қилинди (видео)
Интернетда Тимати ва унинг қаллиғи Анастасия Решетова Грознийдаги банкетда лезгинка ижро этаётгани видеоси пайдо бўлди. Бу ҳақда «MK.ru» хабар бермоқда.
Ижтимоий тармоқлар фойдаланувчиларга кўра, жуфтлик Рамзан Қодировга ёқишга уриниб, ўзини шарманда қилди.
Ҳаммадан кўпроқ иккиюзламачиликда айбланган Решетова танқидга учради. Блогерлар қизнинг камтарона либослари ва Грознийда ўзини сипо тутишини Анастасиянинг Чеченистондан ташқаридаги очиқ-ошкор фотолари билан таққослади.
Тимати ва қаллиғининг лезгинка рақси эса нафақат ижтимоий тармоқларда, балки банкет залининг ўзида ҳам айримларга ёқмаганини пайқаш қийин эмасди.
Жуфтлик билан боғлиқ овозалар шу билан тугагани йўқ: Тимати банкетдан сўнг гўё тўйини Чеченистонда ўтказиш ниятида эканлигини маълум қилгани билдирилмоқда.
