Японияда уй томига қулаган тош метеорит бўлиб чиқди, деб ёзади «РИА Новости».
Сентябрь ойи сўнгида Айти префектураси Комаки шаҳрида яшовчи фуқаронинг уйи томига тош тушиши оқибатида катта ўйиқ ҳосил бўлган эди.
Устки қисми ёниб кетган тош 10, 5 ва 3 сантиметрли уч бўлакка бўлиниб кетган, бўлаклар кейинчалик уй ёнидаги боғдан топилган эди.
Уй эгаси тошларни мамлакатдаги илм-фан музейига олиб бориб берди. Музей ходимлари тошларнинг 4,5 миллиард йиллик метеорит қолдиқлари эканлигини аниқлади.
Музей халқаро метеорит ҳамжамиятида «Комаки метеорити» номли топилмани рўйхатдан ўтказиш жараёнини бошлайди.
Изоҳ (0)