Тожикистон ўзбеклари жамияти Шавкат Мирзиёев ва Эмомали Раҳмоннинг номзодларини келгуси йилги тинчлик бўйича Нобель мукофотига илгари суриш учун имзо тўплашни бошлади. Бу ҳақда «Podrobno.uz» хабар бермоқда.
Жамият раиси Муҳаррам Мирзоалиеванинг таъкидлашича, ташаббускор гуруҳ Норвегия Нобель қўмитаси билан боғланишга ҳам улгурди.
«Бизга номзодларни илгари суриш жараёни батафсил тушунтирилди. Жумладан, қўмита ҳукумат тизимлари номзодларини кўриб ҳам ўтирмаслиги маълум бўлди. Лекин бу ишни жамоат ташкилотлари қўлга олса, уларнинг талабномалари мажбурий тартибда кўриб чиқилади», — дейди Мирзоалиева.
2010 йилги аҳолини ҳисобга олиш маълумотларига кўра, Тожикистонда 926 минг нафар ўзбек истиқомат қилади. Бу мамлакат аҳолисининг 12,5 фоизини ташкил этади.
Изоҳ (0)