Yaponiyada uy tomiga qulagan tosh meteorit bo‘lib chiqdi, deb yozadi “RIA Novosti”.
Sentabr oyi so‘ngida Ayti prefekturasi Komaki shahrida yashovchi fuqaroning uyi tomiga tosh tushishi oqibatida katta o‘yiq hosil bo‘lgan edi.
Ustki qismi yonib ketgan tosh 10, 5 va 3 santimetrli uch bo‘lakka bo‘linib ketgan, bo‘laklar keyinchalik uy yonidagi bog‘dan topilgan edi.
Uy egasi toshlarni mamlakatdagi ilm-fan muzeyiga olib borib berdi. Muzey xodimlari toshlarning 4,5 milliard yillik meteorit qoldiqlari ekanligini aniqladi.
Muzey xalqaro meteorit hamjamiyatida “Komaki meteoriti” nomli topilmani ro‘yxatdan o‘tkazish jarayonini boshlaydi.
Izoh (0)