Бугун, 12 октябрь куни соат 14:50 атрофида Тошкент шаҳрининг Паркент бозорига яқин ҳудудда 95-йўналишдаги автобус ёниб кетди. Бу ҳақда UzNews хабар бермоқда.
Нашр манбасининг хабар беришича, 8-автобус саройига қарашли Mercedes-Benz маркали 95-автобус «Юнусобод-15 даҳа – Авиасозлар» йўналишида ҳаракатланган.
Ёнғин ҳақидаги хабар Ёнғин хавфсизлиги бўлими навбатчилик қисмига соат 14:57 да келиб тушган. 10 дақиқа ўтгач ёнғин содир бўлган манзилга икки навбатчи гуруҳ етиб келган ва соат 15:11 да ёнғин ўчирилган.
Автобуснинг мотор қисми ёнгани ва бунинг натижасида ҳеч ким жабрланмагани билдирилмоқда.
Ҳозирда ёнғин сабабларини ўрганиш бўйича ишлар олиб борилмоқда.
Изоҳ (0)